28 наурыз 2022, 12:10 1916

Қаражанбаста жеңімпаз спортшылар марапатталды

Қаражанбаста Амал және Наурыз мерекесіне орай өткізілген спорттық сайыстар қорытындыланды. Марапаттау рәсіміне қатысқан өндірістік басқарма басшылығы үздік нәтиже көрсеткен мұнайшыларды ерекше атап өтті. Қорытындыға сәйкес, 24 қатысушы мен 12 команда жеңімпаз және жүлдегер атанды.

«Наурыз – ұлттық құндылықтар мен дәстүрлерді дәріптейтін, бәріміз үшін маңызды мереке. Жұмыстың күрделілігіне қарамастан, қаражанбастықтар жарыстарға белсенді қатысты. Қатысушыларымыз мықты физикалық дайындығын көрсетті. Қаражанбасмұнайда жеңісті күндер көп болсын», – деді ӨБ директоры Махамбет Елеусінов.

Бір ай бойы екі вахта ауысымының мұнайшылары футбол, волейбол, теннис, шахмат ойнап, қол күрес, арқан тарту сайыстарында күш сынасты. Мұнайшылардың айтуынша, әріптестердің қолдауы оларға жігер сыйлап, жеңіске бір қадам жақындата түсіпті. Жеңімпаздар мен жүлдегерлерге дипломдар, ақшалай және естелік сыйлықтар табыс етілді.

Еще больше новостей на нашем telegram-канале , подписывайся и будь в курсе!

К списку статей