Қаражанбаста ҚМГ спартакиадасына іріктеу болды

Мұнайшылар бірнеше зияткерлік және білек күшін талап ететін спорт түрлері бойынша тартысқа түсті. Сайыста үздік нәтиже көрсеткендер «ҚазМұнайГаз» ҰК» АҚ компаниялар тобы қызметкерлері арасында өтетін жыл сайынғы спартакиадаға қатысады.

Іріктеу жарыстарының алғашқы минуттарынан-ақ мықты бәсекелестік байқалды. Сайысқа қатысушылар мен жанкүйерлер саны айтарлықтай артқан. Қол күрес пен үстел теннисінде технологиялық көлік басқармасының және мұнай өндіру цехтарының қызметкерлері ерекше белсенділік танытты. Осылайша тәжірибелі де шыдамды спортшылар ойыны қызыққа толы болды.

Ал үстел теннисі мен тоғызқұмалақ кезінде мұнайшылар ептілік танытып, есеппен ойнады. Аталмыш жарыстарға бу өндіру цехының, пайдалану жабдықтарын икемдеп-жөндеу цехының жұмысшылары, бұрғылаушылар мен электриктер белсенді қатысты. Ұлттық ойындарды жетік меңгерген олар спартакиадаға қатысу үшін мықты команда құруға ниетті.

Іріктеу кезеңі ІІ вахта ауысымы жұмысшылары арасында да өтеді. Содан соң төрешілер ҚМГ-ның ауқымды спартакиадасында компания намысын қорғайтын жұмысшыларды анықтап, жеңімпаздар есімін жариялайды.