Главная Новости Қаражанбаста №3 мұнай өндіру цехы ашылды
Компания тынысы28 мамыр 2021, 13:51 947

Қаражанбаста №3 мұнай өндіру цехы ашылды

Қаражанбаста №3 мұнай өндіру цехы ашылды

Қаражанбас кен орнында №3 мұнай өндіру цехы салтанатты түрде ашылды. Аталмыш цех  ұңғымалар қорының кеңеюіне, өндірістік көрсеткіштерді орындау қажеттілігіне және мұнайшылардың еңбек жағдайын жақсарту аясында жүргізіліп жатқан жұмыстар бойынша іске қосылып отыр.

№3 МӨЦ-нің ашылу салтанатына «Қаражанбасмұнай» АҚ президенті Ли Тецян, Бірінші Вице-президент Қуанышбай Нұрғалиев, «Қаражанбасмұнай» АҚ жұмысшыларының жергілікті кәсіподағы” ҚБ төрағасы Айтбай Кужухов қатысты. Басшылық ұжымды цехтің ашылуымен құттықтап, жұмысқа сәттілік тіледі.

«№3 МӨЦ-нің ашылуы, ең алдымен еңбек жағдайының жақсаруына байланысты. Аталмыш цех – жемісті еңбектің, өркендеу мен дамудың дәлелі. Ұжымның кәсібилігі мен тұтастығы, еңбекқорлығының арқасында компания өзінің тұрақты дамуын жалғастыра беретініне сенімдіміз», – деді ҚБМ АҚ Басқарма мүшелері.

Заманауи құралдармен жабдықталған жаңа цех еңбек өнімділігі мен өндірістік процестерді басқарудың тиімділігін арттыруға және жұмысшылардың еңбек жағдайын  жақсартуға ықпал етеді.

«Жаңа цехтің іске қосылуы бірнеше мәселені шешуге көмектеседі. Атап айтсақ қазір мұнай өндіру бойынша жылдық жоспардың 60-65% орындап отырған №2 мұнай өндіру цехінің жүктемесін азайтуға және процестерді оңтайландыруға мүмкіндік береді.  Әріптестерді жаңа цех жұмысының басталуымен құттықтаймыз», – деді өндірістік басқарма директорының орынбасары Кәрім Бозахаров. 

№3 мұнай өндіру цехы Қаражанбас кен орнын игерудің басталғанына 40 жыл толуына орай ашылды. Бұл мұнайшылар үшін көптен күткен маңызды күн. Жаңа нысан бірқатар технологиялық және әкімшілік мәселелерді  шешуге мүмкіндік береді. Цехқа №2 МӨЦ жұмысшыларының бір бөлігі ауыстырылады деп жоспарланып отыр.

Выпуски SK NEWS

Смотрите также

Видео Все видео
Мы в социальных сетях:
Поддержка читателей:
+7 (7172) 99 97 86
Наш адрес:
г.Нур-Султан, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: