Қаражанбаста спорттық сайыстар аяқталды

Вахталық кенттегі мәдени-демалыс орталығында өткен салтанатты шарада әрбір спорт түрі бойынша жеңімпаздар мен жүлдегерлер марапатталды. Өндірістік басқарма басшылығы мұнайшыларды сайыстың сәтті аяқталуымен құттықтап, ерекше қызығушылық пен белсенділік танытқан жұмысшыларға алғыс білдірді.

Бәсекелестік рухы, позитивті көңіл-күй және жанкүйерлердің белсенді қолдауы спорттық сайыстардың сәнін келтіре түсті. Жүздеген жұмысшы арасынан 12 команда және 24 жеке қатысушы үздік атанды.

«Өндірісте физикалық дайындығы мықты мұнайшылар жұмыс істейді. Біздің қызметкерлер мұны тағы да дәлелдеді. Бір ай бойы командалық рух пен жеңіске деген ұмтылыс айқын көрінді», – деді ӨБ директоры Кәрім Бозахаров.

Жүлделі орындарға ие болған қатысушылар ҚБМ Басқармасы атынан дипломдармен және естелік сыйлықтармен марапатталды.