Қаражанбастағы білімділер бәсекесі

Білгірлер үстеліне 13 сектор бойынша сұрақтар орналастырылды. Сондай-ақ қатысушыларға алдын ала дайындалған бейнесұрақтар жолданды. Егер ойыншылар сауалдарға бір минут ішінде дұрыс жауап берсе, 1 ұпай еншілейді. Ал жауап қате болса, көрермендер тобының қоржынына түседі.

«Бұл нағыз «Не? Қайда? Қашан?» ойыны болды. Біз кәсіби саламыздан бөлек, тарих, мәдениет, жаңа технологияға қатысты бар білгенімізді ортаға салдық. Қай салада қызмет етсең де, оқу мен ізденуді ешқашан тоқтатпау керек. Ойын тартысты өтті. Жұмыстан тыс уақытымызды осындай шараларға арнаймыз», – деді «Білгірлер» командасының ойыншылары.

Ойынның әр маусымы сайын білгір мұнайшылар саны артып келеді. Жұмыс кестесінің тығыздығына қарамастан, олар білім бәсекесінде бақ сынауға қашанда әзір. Ойын қорытындысына сәйкес көрермендер тобы «Білгірлерден» басым түсті. Компания басшылығы жеңімпаздарды марапаттап, естелік сыйлықтарын тарту етті. Ойын келесі вахта ауысымында да өткізіледі де жоспарланып отыр.