Қаражанбастағы келелі кездесу

«Қаражанбасмұнай» АҚ басшылығы Қаражанбас кен орнында ұңғымаларды жерасты және күрделі жөндеу бойынша сервистік қызмет көрсететін «Юго-восточная сервисная группа» ЖШС мердігер мекемесінің жұмысшыларымен кездесу өткізді.

Кездесу барысында еңбек қатынастары бойынша көтерілген мәселелер талқыланды. Екіжақты сындарлы диалог кезінде тараптардың пікірі мен ұсыныстары тыңдалды. ҚБМ Бас директорының бірінші орынбасары Қуанышбай Нұрғалиев айтылған барлық мәселелер қолданыстағы заң мен компанияның ішкі жарғысы аясында қаралатынын атап өтті. Кездесу қорытындысы бойынша хаттама жасалды. Шешім қабылдау барлық пікірлерді ескере отырып, кезең-кезеңімен іске асыру қағидаты бойынша жүзеге асырылады.