Қаражанбастық 2 мыңнан астам бала лагерьлерде демалып жатыр

Алматының қалың ормандары мен Маңғыстаудың көркем жерлерінде балалар көңіл көтеріп қана қоймай, денсаулығын нығайтып, спортпен шұғылданады, шығармашылықпен айналысады. Олардың көбі өзіне жаңа достар тауып үлгерді. Ал ата-аналарға алаңдаудың еш қажеті жоқ. Өйткені ҚБМ мамандары іс-шараларды ұйымдастыру, қызықты ойын-сауық, жалпы демалыс кезінде балалардың қауіпсіздігін мұқият бақылайды.

«Демалысымыз белсенді әрі қызықты. Мұнда біз білім алып, жаңа нәрселер үйреніп, шығармашылықпен айналысамыз. Таңды гимнастикадан бастаймыз, сосын таңғы ас ішіп, тауға барамыз, атқа мінеміз, бассейнге шомыламыз. Бізге бәрі өте ұнайды. Осындай жерге жыл сайын барғымыз келеді», – дейді балалар.

Қызықты бағдарламалардан бөлек, балалар тарихи жерлерге барып, әдет-ғұрыптар мен дәстүрлерді тереңірек сіңіріп, рухани құндылықтарын толықтырады. Балалық шақ – ең керемет және алаңсыз уақыт. Сондықтан ҚБМ үшін балаларға шынайы эмоция мен ұмытылмас әсер сыйлау аса маңызды.