Қарсақ кенішіне – 60 жыл!

«Доссормұнайгаз» МГӨБ кен алаңы – Қарсақ кеніші 1948 жылы ашылып, 1960 жылы пайдаланылуға берілді. Содан бері арада 60 жыл өтті. Осы жылдарда кен алаңында терең бұрғылау жұмыстары жүргізіліп, жаңа мұнай горизонттары анықталды.

Алпыс жылдық мерекелік шарада Ембі кен орнының бір бөлшегі- Доссор мұнайлы өңірдің, соның ішінде Қарсақ кен алаңында табысты еңбегімен ерекшеленген мұнайшылар «Ембімұнайгаз» АҚ-ның Құрмет грамотасымен және естелік белгілерімен, сонымен қатар, «Доссормұнайгаз» МГӨБ-ның Алғыс хатымен марапатталды.

Табысты еңбектері үшін «Қарсақ кен орнына 60 жыл» ескерткіш белгісімен марапатталғандар:

• №2 Қарсақ мұнай және газ өндіру цехы №1 бригадасының 4 дәрежелі технологиялық қондырғы операторы Ертай Борамбаев;
• Доссор мұнай дайындау және айдау цехының Карсак-Ботахан-Байшонас мұнай дайындау және айдау бригадасының 4 дәрежелі сусыздандыру және тұзсыздандыру қондырғысының операторы Аманкелді Баймағанбетов;
• №1 Ботақан мұнай және газ өндіру цехы мұнай өндіру бригадасының операторы Жаңылсын Теміралиева;
• №2 Қарсақ мұнай және газ өндіру цехы Байшонас кен орны №2 бригадасының 5 дәрежелі дәнекерлеушісі Жолдасқали Тайбуриев;
• №2 Қарсақ мұнай және газ өндіру цехы №1 бригадасының 5 дәрежелі технологиялық қондырғылар операторы Асылбек Көшекенов;
• ұңғымаларды жерасты және күрделі жөндеу цехының операторы Таңатар Мұқашев;
• арнаулы техника және автокөлік колоннасының жүргізушісі Ахмет Қайырғалиев;
• №1 Ботақан мұнай және газ өндіру цехы мұнай өндіру бригадасының 5 дәрежелі мұнай және газ өндіру операторы Қалқаман Нұржанов;
• Доссор мұнай дайындау және айдау цехының химиялық лаборанты Гүлнар Джантлеуова;
• ұңғымаларды жер асты және күрделі жөндеу цехының машинисі Бисембай Бекбосынов;
• №2 Қарсақ мұнай және газ өндіру цехы №1 бригадасының мұнай және газ өндіру және конденсат шебері Эдуард Меңдібаев;
• зерттеу жұмысын жүргізу цехының шебері Қайрат Шағыров;
• №2 Қарсақ мұнай және газ өндіру цехы Байшонас кен орны №2 бригадасының мұнай және газ өндіру және конденсат шебері Саламат Сарсембаев;
• Қарсақ мұнай және газ өндіру цехы өндірістік құрал-жабдықтарды жөндеу және прокаттау бригадасының 5 дәрежелі жөндеуші-слесарі Асқар Бекбосынов.

Өндірісте қол жеткізген зор жетістіктері үшін «Ембімұнайгаз» АҚ-ның Құрмет грамотасымен марапатталғандар:

• Арнаулы техника және автокөлік колоннасының машинисі Болат Исаков;
• Доссор мұнай дайындау және айдау цехының технологиялық сораптар машинисі Ерсайын Ескалиев; 
• №2 Қарсақ мұнай және газ өндіру цехы мұнай өндіру бригадасының 5 дәрежелі технологиялық қондырғылар операторы Руслан Коркытов;
• Доссор мұнай дайындау және айдау цехының сусыздандыру және тұзсыздандыру қондырғысының операторы Қоблан Жолаев;
• №2 Қарсақ мұнай және газ өндіру цехы №1 бригадасының шебері Нысанбай Бигалиев;
• ұңғымаларды жерасты және күрделі жөндеу цехының бұрғышысы Ақылбек Жакиев.

Ембіде өнім өндірісімен қатар мұнайшылар арасында мәдениет, өнер саласын да дамыту – дәстүрге айналған игі шара. Бұл орайда, ұжым ішілік байланыстың нығаюына зор үлес қосып, өнер мен еңбекті қатар ұстаған белсенділіктері үшін «Ембімұнайгаз» АҚ-ның Құрмет грамотасымен марапатталғандар:

• «Доссормұнайгаз» МГӨБ әлеуметтік қамсыздандыру бөлімінің маманы Жанат Өтепова;
• №1 Ботақан мұнай газ өндіру цехы жер астына су айдау сорап станциясының 4 дәрежелі машинисі Жасталап Жұмағалиев.

Табысты еңбектері үшін Қарсақ кен орнының 60 жылдығына орай «Доссормұнайгаз» МГӨБ Алғыс хатымен марапатталғандар:

• Доссор мұнайды дайындау және айдау цехының химиялық лаборанты Жамал Баймағанбетова;
• арнаулы техника және автокөлік колоннасының жүргізушілері Сағытжан Бердіғалиев, Кенжебек Киікбаев, Нұрлан Есбосынов.