18 қараша 2022, 15:38 1113

Қауіпсіздік қырағылықты талап етеді

«Маңғыстаумұнайгаз» АҚ-ның қызметкерлері Маңғыстау облысының Төтенше жағдайлар департаменті базасында азаматтық қорғау саласындағы қайта даярлау оқу курсынан өтті.

ТҚЕҚжҚОҚ департаменті, азаматтық қорғаныс және төтенше жағдай қызметінің ұйымдастыруымен өткен семинарда 25 қызметкер қауіпсіздік шараларын пысықтауына, келелі ақпарат алуына мүмкіндік алды.

Семинарда Төтенше жағдайлар кезіндегі іс-қимылдардың дайындығы, апаттар мен дүлей зілзалалардың алдын алуға бағытталған ұйымдастырушылық және инженерлік-техникалық мәселелері қозғалып, азаматтық қорғаныс саласындағы жұмыстың практикалық және теориялық әдістері кеңінен көрсетілді.

Семинар соңында Маңғыстау облысы ТЖД бастығының орынбасары Нұрлыбек Айжарықов мұнайшыларға курсты сәтті аяқтағаны туралы сертификаттар табыстап, жемісті жұмыс аптасын тіледі.

Естеріңізге салсақ, алдағы уақытта, яғни 30 қараша мен 2 желтоқсан аралығында компанияның 28 қызметкері дәл осындай оқу курсынан өтетін болады.

Еще больше новостей на нашем telegram-канале , подписывайся и будь в курсе!

К списку статей Следующая статья