Қайнармұнайгаз Жамансор ауылына футбол алаңына тарту етті

Спорттық нысанның ашылу салтанатына Мұқыр ауылдық округінің әкімі мен Мұқыр, Жамансор ауылының тұрғындары, сондай-ақ, «Қайнармұнайгаз» мұнай-газ өндіру басқармасының бас инженері мен мұнайшы қызметкерлер қатысты.

Алғашқы болып басқарманың бас инженері Нұрлан Мұқанов сөз алып ю, ауыл тұрғындарын жаңа спорт алаңымен құттықтады. Одан соң Мұқыр әкімі Мереке Есқалиев пен ауыл ақсақалдары Амангелді Сарсембаев, Ықпылбай Сартов және ауыл жастары атынан Қайрат Қасықбаев сөз сөйлеп, ауыл тұрғындары атынан алғыстарын жеткізді.

Сондай-ақ, «Қайнармұнайгаз» мұнай-газ өндіру басқармасы ауыл жастарына арналған 2 комплект футбол формасы мен 2 дана футбол добын сыйға тартты.

Шара соңында «Қайнармұнайгаз» басқармасы мен Мұқыр, Жамансор ауылдарының құрама командалары арасында шағын футболдан жолдастық кездесулер өтті.

Ауыл тұрғындары өз кезегінде «Ембімұнайгаз» АҚ-ның басшылығына шексіз алғыстарын айтып, осы алаңның арқасында ауыл жастарына биік белестерді бағындыруды тіледі.