Главная Новости Қазақстан және Өзбекстан пошта қызметтері жеткізілетін тауар көлемін ұлғайтады
Компания тынысы22 сәуір 2021, 17:02 413

Қазақстан және Өзбекстан пошта қызметтері жеткізілетін тауар көлемін ұлғайтады

Қазақстан және Өзбекстан пошта қызметтері жеткізілетін тауар көлемін ұлғайтады

Қазақстан мен Өзбекстан арасындағы халықаралық пошта жөнелтілімдерінің көлемі артады. Бұл туралы бүгін Ташкент қаласындағы кездесу барысында «Қазпошта» АҚ Басқармасы төрағасы Қанат Алпысбаев және «Узбекистон почтаси» АҚ бас директоры Алишер Файзуллаев өзара келісті.

Қос мемлекеттің ұлттық пошта қызметтері басшылары е-commerce саласын дамыту жолында халықаралық пошта алмасуды күшейтуге бағытталған құжатқа қол қойды. Қол жеткен келісім қазақстандық кәсіпкерлерге өткізу нарығын кеңейтуге және өздерінің тауарларын Өзбекстанға жеткізуді оң жолға қоюға мүмкіндік береді.

«Қазпошта» АҚ Өзбекстанның пошта қызметімен әріптестік аясын кеңейтіп отыр. Бұл нарықтың барлық қатысушыларына тиімді: өзбекстандық тұтынушылар біздің тауарларға қол жеткізсе, қазақстандық компаниялар электрондық сауда арқасында өткізу нарығын кеңейтеді. «Қазпошта» АҚ отандық кәсіпкерлерге көршілес мемлекетке тауардың ауқымды көлемін қысқа мерзімде жеткізуге қолдау көрсетеді.  Осылайша Қазпошта бизнес-қауымдастық үшін сенімді серіктеске айналды және электрондық сауданы дамытуға қолғабыс етуде», - деп атап өтті «Қазпошта» АҚ Басқарма төрағасы Қанат Алпысбаев.

Биылғы 1 мамырдан бастап қос мемлекеттің пошта қызметтері пошта алмасу жиілігін аптасына 5 ретке дейін арттыруды жоспарлап отыр. Бүгінде пошта жөнелтілімдері Қазақстаннан Өзбекстанға аптасына 3 рет әуе көлігімен және 2 рет жер үсті көлігімен жеткізіледі.      

Өткен жылы Қазақстаннан Өзбекстанға 23 мыңға жуық сәлемдеме, хат және EMS жөнелтілімдер жеткізілген. Ал көрші мемлекеттен елімізге жол тартқан пошта алмасу көлемі 15 мыңнан артқан. Сонымен бірге біздің еліміз арқылы Қытайдан Өзбекстанға 300 мың кг жуық халықаралық пошта жөнелтілімдері жеткізілген.

Выпуски SK NEWS

Смотрите также

Видео Все видео
Мы в социальных сетях:
Поддержка читателей:
+7 (7172) 99 97 86
Наш адрес:
г.Нур-Султан, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: