Қазақстан темір жолы қысқа дайын

«ҚТЖ» ҰК» АҚ Басқарма төрағасының бірінші орынбасары Қанат Әлмағамбетовтың төрағалығымен селекторлық кеңес өтті. Ол компания кадрлары мен шаруашылықтардың қысқы кезенде жұмыс істеуге дайындығы мәселелеріне арналды. Шара қорытындысы бойынша компания филиалдары мен еншілес ұйымдарына 2020-2021 жылдар кезеңіндегі қысқы жұмыстарға шаруашылықтардың дайындығы туралы куәлік табысталды.

Компания мен оның еншілес ұйымдары шаруашылықтарының қысқы кезендегі жұмыс істеу дайындығының барысын Арнайы штаб бақылады. Оны «ҚТЖ» ҰК» АҚ Техникалық саясат және реттеу департаменті құрған болатын. Штаб отырыстарында бейнебайланыс құралдары арқылы «ҚТЖ» ҰК» АҚ құрылымдық бөлімшелері мен еншілес ұйымдары басшыларының есебі тыңдалды. Онда теміржолшылар кадрлар мен шаруашылықтардың қысқы кезенде жұмыс істеу даярлығының барысына есеп берді.

193 ғимараттың қысқа даярлығы бойынша іс-шаралар өткізіліп, 959 жолаушы вагоны қысқы жұмыс режиміне ауыстырылды. Бұл ретте биылғы жылыту маусымына 292 қазандық жөнделді және даярланды.

Жылумен қамтамасыз ету үшін келісімдер жасалып, 100 мың тонна көмір жеткізілсе, соның ішінде 41 мың тоннасы компания қызметкерлерінің тұрмыстық қажеттіліктеріне бағытталды.

Бұдан басқа, қыс жағдайында жұмыс істеуге 2 319 дана жылжымалы құрам және 300 дана қардан аршу мен қартазарту техникалары әзірленді.

Еще больше новостей на нашем telegram-канале , подписывайся и будь в курсе!

К списку статей Следующая статья

АРХИВ ЖУРНАЛОВ SKNEWS