Главная Новости Қазақстанда коронавирустың "үнділік штамм" белгілері бар мутациясы анықталды
Маңызды21 маусым 2021, 15:29 781

Қазақстанда коронавирустың "үнділік штамм" белгілері бар мутациясы анықталды

Қазақстанда коронавирустың "үнділік штамм" белгілері бар мутациясы анықталды

Мутацияның "Дельта" штамына жататын-жатпайтыны ДНҚ үлгілерін толық геномдық секвенирлеу аяқталғаннан кейін белгілі болады, деп хабарлады Информбюро порталы

Нұр-Сұлтан қаласында коронавирустық инфекциямен сырқаттанушылық деңгейінің күрт өсуіне байланысты Денсаулық сақтау министрлігі КВИ жұқтырған науқастардан алынған оң зертханалық үлгілердің ПТР скринингін өткізді. Скрининг нәтижелері бойынша "Дельта" штамына ("үнділік" штамм) тән мутацияға күдікті жағдай анықталды, деп хабарлады Covid-19 таралуына жол бермеу жөніндегі Ведомствоаралық комиссия.

Мутацияның "Дельта" штамына жататын-жатпайтыны ДНҚ үлгілерін толық геномдық секвенирлеу аяқталғаннан кейін белгілі болады. 

"Дельта" коронавирус штамы аса контагиозды және анықталған штамдарға қарағанда жұқпалылығы 60%-ке жоғары, қазіргі айналымдағы штамдар 1 адамнан орта есеппен 3-4 адамға таралатын болса, бұл штамм 5-6 адамға бірден жұғады және 7 күнге созылатын қысқа инкубациялық кезеңмен сипатталады. Сонымен қатар індетті жұқтырғандар буындар мен іштің қатты ауырсынуын сезінеді, жүрек айнып, лоқсиды, ауру салдарынан адам саңырау болып қалуы әбден мүмкін және аяқтардың микротромбозына әкеледі", – делінген комиссия таратқан ақпаратта.

Соңғы зерттеулер көрсеткендей, коронавирустың "Үнділік" штамы ауруханаға жатқызу мен өлім-жітімнің жоғары ықтималдығымен байланысты. Дүниежүзілік денсаулық сақтау ұйымының 2021 жылғы 20 маусымдағы мәліметі бойынша SARS-CoV-2 "Дельта штамм" әлемнің 174 елінде анықталған.

Выпуски SK NEWS

Смотрите также

Видео Все видео
Мы в социальных сетях:
Поддержка читателей:
+7 (7172) 99 97 86
Наш адрес:
г.Нур-Султан, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: