Қазақстанда теміржол саласында 3 мың жаңа жұмыс орны ашылады

Алдағы екі жылда теміржол машина жасау саласында 3 000-нан астам жаңа жұмыс орны құрылады, - деп хабарлайды Massaget.kz тілшісі.

Бұл 12 инвестициялық жобаның жүзеге асырылуы арқасында мүмкін болады. Қазірдің өзінде салада 8 000 адам жұмыс істейді, ал 3 500 жаңа маманға сұраныс бар.

"Алдағы екі жылда Қазақстанда 3000 жаңа жұмыс орнын құруға мүмкіндік беретін 12 инвестициялық жоба жүзеге асырылады. Саладағы жұмысшылардың орташа жалақысы қазірдің өзінде 440 мың теңгені құрап, мамандарға сұраныс артып келеді. Салада шамамен 3500 жаңа кадрлар қажеттілігі бар, оларды даярлау 39 жоғары оқу орны мен 39 колледжде жүргізіліп жатыр", - деді Шарлапаев. 

Теміржол машина жасау көлік инфрақұрылымының дамуына ғана емес, сонымен қатар жұмыс орындарын құру арқылы жұмыссыздықты азайтуға да әсер етеді. Саладағы 60 отандық кәсіпорында 8 мыңға жуық адам жұмыс істейді. 2024 жылы Астана, Қостанай және Екібастұз қалаларында 215 адамды жұмыспен қамтамасыз ететін жаңа өндіріс орындары ашылды.

Көлік министрлігінің мәліметінше, 2024 жылы 1400 шақырым теміржол жөнделеді. Қазіргі уақытта 1100 шақырым жаңа жолдар салынып жатыр, оның ішінде "Достық-Мойынтыда" бұл учаскенің өткізу қабілетін 5 есеге арттырып, халықаралық транзитті жақсартады. Алматы айналмалы теміржолы өңірдің теміржол желісіне түсетін жүктемені азайтады, ал "Дарбаза-Мақтаарал" оңтүстік өңірлерде жаңа көлік байланыстарын жасайды.