Қазақстандық логистиканың тиімділігі қай деңгейде?

Бұл туралы «Инновациялық логистика – жүк иелеріне көліктік қызмет көрсету сапасын жақсартудың құралы» деген тақырыпта Нұр-Сұлтанда өткен «дөңгелек үстел» отырысында Қазақстанның «KAZLOGISTICS» көлік одағының президиум мүшесі Эдуард Каплан мәлім етті.

«Қазақстанда көлік-логистикалық қызмет көрсетудің сапасының деңгейі аса жоғары емес. Отандық логистиканың тиімділігі индексі бойынша Дүниежүзілік банк рейтингінде біздің еліміз 71-орынды, көліктік қызмет көрсету сапасы бойынша 94-орынды иеленеді. Ресей мен Беларусь елдерінің көрсеткіштері де бізден алыс емес», – деп атап өтті Эдуард Каплан.

Оның айтуынша, цифрландыруға байланысты инновациялық логистикалық технологияларды қолданысқа енгізу, жылжымалы құрамды жаңарту және жаңғырту, көлік инфрақұрылымын үйлесімді дамыту сияқты шаралар сала проблемаларын шешудің бірегей жолдары болып табылады.