«Қазақтелеком» АҚ өзінің IT-өнімдерін ismet.kz платформасына шығарды

Қазір «Қазақтелекомға» Республиканың ірі қалалары мен облыс орталықтарындағы 27 дата-орталықтан тұратын желі тиесілі. Бұл шамамен 1600 сөре. Мәліметтерді өңдеу орталықтары ресурстарының негізінде телеком-оператор IaaS шешімін ұсынады, мысалы мәліметтерді сақтайтын «Виртуалды дата орталық»,екінші және үшінші деңгейлі белгіленген домен атауымен «Виртуалды хостинг» және «Виртуалды белгіленген сервер» қызметтері, сонымен қатар кейібр SaaS шешімдер: Anti-DDoS, Firewall, Бұлтты вебинар, Бұлтты бейнеконференция, электрондық құжат айналым және басқалар. Егер бұрын «Виртуалды дата орталық (VDC)» қызметін қосу жолы біршама қиын болса, Customer journey map (CJM) 8 сағатқа дейін уақыт жұмсалса, ал қазір компания клиенттері бұлтты есептегіш ресурстарды15-20 минут ішінде өздері, менеджердің қатысуынсыз Full Digital форматында сатып алуы үшін жұмыс жасауда. Компанияның ІТ-өнімдерінің бизнеске арналған ismet.kz ашық цифрлық платформаға шығарылуы, шарттарды онлайн форматта жасасу осы жұмыстың алғашқы қадамдарының бірі.

«Біз нарықтың барлық сегментіне – шағын және орта бизнес болса да, ірі корпоративті клиенттерге деІТ-өнімдерімізді ұсынып, өзімізді барлық сапа және қауіпсіздік стандарттарына сай келетін сенімді провайдер ретінде көрсетіп келеміз. Компанияның негізгі басымдылығы клиент екендігі сөзсіз. Бизнес өкілдерінің өз уақыттарын жеке шаруаларына немесе кәсіптерін дамытуға жұмсағаны біз үшін маңызды. Онлайн сервистерге сұраныстың артқанын ескеріп, қызметтерді қосуды барынша ыңғайлы, жылдам әрі қол жетімді ететін парақшаны ismet.kz ашық цифрлық платформасы арқылыіске қостық. Парақшаны іске қосқаннан бері статистика бойынша оны пайдаланушылар санының артуы біздің өнімдерге сұраныстың өсіп келе жатқанын көрсетеді. Апта сайын тұтынушылар қатары орташа есеппен 61%толығады, парақшаға жаңадан қосылғандар саны 60% арттады», – деп атап өтті «Қазақтелеком» АҚ АТ дивизионының бас директоры Марат Әбділдабеков.

Қазір клиенттер аталған парақшадан науқандық ұсыныстармен бір қатар бұлтты өнімдермен таныса алады және оларды 300-дей платформа тұтынушысы бағалап көргенін айта кеткен жөн. Мысалы, «Виртуалды хотингті» және VPS алғашқы екі айда 50% жеңілдікпен ұсынылған. «Виртуалды дата орталық» бойынша коммерциялық ұсынысты науқандық тарифпен сұратуға болады. Ал домен атауы бір жылдық тіркеліммен 31 желтоқсанға дейін бұрынғы бағамен беріледі.

«Қазақтелекомның» ІТ-өнімдерін онлайн форматта қосудың тиімділігін алғашқылардың бірі болып «ЕрТұмар» ЖШС өзінің Oqylyq.kz, Finance.kz және Job.kz. жобаларымен бағап көрген еді.

«Біз онлайн прокторинг және қашықтан оқытумен, рекрутингпен айналысамыз, сондай-ақ қаржы саласы бойынша ақпаратттық порталымыз бар. Неге біздің таңдау Қазақтелекомға түсті? Сараптама жасап, телеком-оператордың дата орталықтарына тоқталдық. Өйткені бізге секундына 1 гбит дейінгі белгіленген канал және жабдықтарға тәулік бойына қол жетімділік қажет болды. Белгіленген жылдамдықты байланыс каналдарының арқасында біз автоматтандырылған прокторингті пайдаланып, 130 мың адамға онлайн олимпиада өткіздік. «Қазақтелеком» ұсынған ІТ-өнімдерді онлайн форматта қосу, шартты онлайн жасасу өте ыңғайлы. Ай сайын шот-фактура мен атқарылған жұмыс актілері электрондық поштаға келеді, енді курьер жіберудің немесе компания кеңсесіне барудың қажеті жоқ», – дейді «ЕрТұмар» ЖШС техникалық директорыЭдуард Заукарнаев.

Қазақтелеком ІТ-өнімдер бойынша процесстерді цифрландыруға біртіндеп көшуді одан әрі жалғастырады. 2023 жылы қызметтерді қосу уақытын қысқарту үшін бөлек процесстерді оңтайландыруды аяқтау жоспарланып отыр. Сондай-ақ әлемдік трендтерге сай және телекоммуникациялық операторлардың тәжірибесін ескере отырып, ІТ-өнімдердің саны мен сапасын жоғарлатуға бағытталған жұмыс жалғаспақ.