«Қазақтелеком» жасанды интеллектке негізделген бейнеаналитика жүйесін таныстырды

Қазақстанның ірі мемлекеттік кәсіпорындарының, мемлекеттік мекемелерінің және коммерциялық емес ұйымдарының 100-ден астам басшылары мемлекеттік секторды цифрлық трансформациялау, жаһандық әлемдік трендтер, Қазақстандағы IT-нарықты дамыту және ақпараттық қауіпсіздікті қамтамасыз ету мәселелерін және келесі буынның цифрлық құралдарын талқылады.

Цифрлық технологияларды дамытусыз мемлекеттік және жеке секторды одан әрі трансформациялау мүмкін емес, сондықтан Үкімет алдында барлық салаларда: қоғамдық қауіпсіздікті қамтамасыз ету, төтенше жағдайларды басқару, денсаулық сақтау, қоршаған орта, әлеуметтік қызметтер немесе қорғаныс салаларындағы қауіпсіздікті сақтай отырып, бизнес процестерді және азаматтарға қызмет көрсетуді жақсарту міндеті тұр.

Ақылды қалалардағы қоғамдық қауіпсіздік саласындағы ең көп талқыланатын тақырыптардың бірі – бұлтты бейнебақылау жүйелерін пайдалану. «Қазақтелеком» АҚ Корпоративтік бизнес бойынша дивизион өнімдерін дамыту және енгізу жөніндегі директоры Ақниет Нұржаубаев форум қатысушыларымен «Ақылды қалаларда» бұлтты бейнебақылау, заттар интернеті, ақпараттық қауіпсіздік және блокчейн сияқты жобаларды енгізу нәтижелерімен бөлісті.

«Қоғамдық қауіпсіздікті арттыру мақсатында қалалық бейнебақылаудың қолданыстағы және жаңа жүйелерін интеграциялау арқылы біз орталықтандырылған басқарумен және 7-30 күнге дейін бейнедеректерді сақтауды қамтамасыз ететін бұлтты бейнебақылау өнімін әзірледік. «Қазақтелеком» бейнедеректердің жоғары деңгейлі қауіпсіздігін қамтамасыз етеді. Бүгінде Қазақстан бойынша қоғамдық орындарда, Денсаулық сақтау және білім беру объектілерінде, тұрғын үй кешендерінің кіре берістерінде, кеңселер мен бизнес-орталықтарында 40 мыңнан астам бақылау камерасы орнатылған. Өткен жылы біз Астана қаласы бойынша адамдар көп жиналатын орындарда 500-ден астам бейнебақылау камерасын орнаттық. Камералардан бейне ағыны полиция департаментінің жедел басқару орталықтарына шығарылады. Құқық қорғау органдарының қызметкерлері инциденттер мен құқық бұзушылықтарға жедел түрде назар аудару үшін барлық камераларға қол жеткізе алады. Сонымен қатар, емханаларда, көпсалалы ауруханаларда, жедел жәрдем ғимараттарында 1500-ден астам бейнебақылау камералары орнатылған. Сонымен қатар, «Қазақтелеком» полиция департаментімен бірлесіп Түркістан облысының жедел басқару орталығына мектептегі бейнебақылау камераларынан деректерді шығару жобасын іске асырды. Нақты уақыт режимінде полицейлер Түркістан облысы мен Түркістан қаласының 350 - ге жуық оқу орындарынан ақпарат ала алады», – деп атап өтті Ақниет Нұржаубаев.

Алайда, Полиция департаментінің Жедел басқару орталығында камералардың көптігінің салдарынан назар аудару мүмкіндігі төмендеп, жауап беру жылдамдығына кері әсер етуі әбден мүмкін. Бұл мәселені шешу үшін «Қазақтелекомда» жасанды интеллектті пайдалана отырып, бейнеаналитика жүйесін дамыту қолға алынды. Бейне аналитиканың жаңа түрлері оқиғаларды тануға ғана емес, сонымен қатар көптеген бейне мұрағаттарды талдауға көмектеседі. Осылайша, «ақылды қала» жүйесінде цифрлық құралдарды пайдалану қылмысты азайтуға және Қазақстан қалаларының қоғамдық қауіпсіздігін арттыруға көп әсер етеді.

«Ақылды қала» ІТ инфрақұрылымы – өңдеуге, талдауға, тасымалдауға ғана емес, сонымен қатар сақтауға да қажет үлкен деректер массивтері бар өте күрделі жүйе. Смарт-Ситидің цифрлық технологиялары жұмыс істей бастауы үшін тиісті инфрақұрылым қажет. Айта кету керек, «Қазақтелекомның» талшықты-оптикалық байланыстармен қамтудың үлкен аймағы, барлық ірі қалаларда 4G сымсыз байланысқа қол жеткізу, 26 Дата-орталықта бұлтты сервистер бар. Мұндай инфрақұрылымдық артықшылықтар телекоммуникация нарығында жаңа инновациялық өнімдерді әзірлеуге және қолдануға мүмкіндік береді.

Форум аясында қатысушылар ішкі және сыртқы деректерді оңтайландыруға, азаматтардың өмірі мен жұмыс жағдайларын жақсартуға, сол арқылы мемлекеттің цифрлық болашағын құруға мүмкіндік беретін ақпараттық технологиялар саласындағы бірегей және тұтас шешімдерді енгізу тәжірибесімен алмасты.