Қазақтелеком «жылдам интернетпен» қамтуды жалғастырып жатыр

Қараша айының басынан бастап Астана, Алматы және Ақтаудың 5 000-нан астам тұрғыны GPON технологиясының көмегімен "Қазақтелеком" қызметіне қосылды. Бұл технологияны еліміздің ең ірі телеком-операторы 2010 жылдан бері қолданып келеді, оның көмегімен қырыққа жуық жаңа ғимарат жоғары жылдамдықты интернетпен қамтамасыз етілген. Бүгінгі таңда GPON телекоммуникациялық қызметтердің барлық кешенін ұсынудың ең тиімді әдісі болып табылады.

«GPON технологиясы әр пәтерді магистральдық оптикаға бөлек арна арқылы қосуды қамтиды. Осылайша, жаңа тұрғын үйлердің тұрғындары желіге ең жоғары жүктеме кезінде де деректерді берудің жоғары жылдамдығына ие болады. Сонымен қатар, осы технологияны қолданған кезде пәтерге қосылған бір кабель абонентке жоғары жылдамдықты интернетке қол жеткізуден басқа, IP-телефония және цифрлық теледидар қызметтерін алуға мүмкіндік береді. Соңғы екі айдың ішінде тек Алматының өзінде біз осы технология бойынша 18 жаңа үйді интернетке қостық», – деп атап өтті «Қазақтелеком» АҚ Бөлшек бизнес бойынша дивизионының бас директоры Игорь Погребицкий.

GPON технологиясы талшықты-оптикалық желілерді пайдаланады: сигнал мыс сымдарындағыдай электрлік импульс емес, жарық арқылы беріледі. Осының арқасында деректерді беру жылдамдығы 8-ден 500 Мбит/с-қа дейін артады және интернет үзіліссіз жұмыс істейді, өйткені жарық сигналы іс жүзінде кедергіге сезімтал емес. Технология жоғары жылдамдықты интернетпен қамтамасыз етумен қатар, бір арна арқылы абоненттерге IP-телефония және цифрлық теледидар қызметтерін ұсынуға мүмкіндік береді, сонымен бірге барлық отбасы мүшелері кез-келген құрылғыдан, мейлі ол телефон, теледидар немесе планшет болсын, бағдарламалар мен фильмдерді көре алады.

Жоғары жылдамдықты интернеттің артықшылықтарын алғашқылардың қатарында Алматы «Асыл Тау» ТК тұрғыны Мәдина Түркібаева бағалады. Ол жақында өзінің жаңа пәтерінің кілттерін алған болатын, тұрғын үй кешенін таңдауда өте мұқият болғанын және «Қазақтелекомнан» сапалы интернеттің болуы жаңа тұрғын үй сатып алудың басым шарттарының бірі болғанын айтады.

«Мен Павлодардан көшіп келдім. Бұрын "Қазақтелеком" қызметтерін пайдаланған, сондықтан жаңа тұрғын үй кешенін таңдағанда осы провайдерден интернетке қосылу мүмкіндігінің болуына ерекше назар аударған. Мен Павлодардағы пәтерден Алматыдағы пәтеріме жеке шотымды еш қиындықсыз аудардым, менде қазір GPON жаңа технологиясы бойынша жоғары жылдамдықты интернет бар екеніне өте қуаныштымын», – дейді «Асыл Тау» ТК тұрғыны Мәдина Түркібаева.

Компанияның 2023 жылға арналған жоспарында жаңа желілер салу және қолда бар желілерді жаңғырту, жаңа ғимараттар мен бұрын салынған үйлердің тұрғындарын оптикалық желілерге қосу көзделген. Қазіргі уақытта «Қазақтелеком» ел бойынша телекоммуникация қызметтерінің ену деңгейі ең жоғары.