Главная Новости «Қазақтелеком» инженері: Жетістікке жету үшін мамандығыңды сүюің керек
Біздің адамдар18 наурыз 2021, 10:17 206

«Қазақтелеком» инженері: Жетістікке жету үшін мамандығыңды сүюің керек

«Қазақтелеком» инженері: Жетістікке жету үшін мамандығыңды сүюің керек

Ерлан Рахатов – «Қазақтелеком» АҚ инженері, Z-telecom ұйымының мүшесі, түрлі байқаулар мен жарыстардың жүлдегері.

«Өміріміздегі ең маңызды қадам – мамандық таңдау. Мен кәсіп таңдарда ата-анам қолдау көрсетіп отырды. 2006 жылы мектепті бітірген соң, Ақтөбе байланыс және электротехника колледжіне оқуға қабылдандым, сосын сырттай оқып жоғары білім алдым. Мамандығымды сүйемін, басқа саланы тіпті көз алдыма елестете алмаймын», – дейді Ерлан Рахатов.

Ерлан компаниямызға 2011 жылдың 7 ақпанында 4 разряд электромонтері болып жұмысқа тұрған. Қажырлы еңбегінің арқасында B2B сегменті телекоммуникациялар желісін дамыту орталығында желілік байланыс құралдары және абоненттер құрылғылары инженері лауазымына көтерілді.

«Қазақтелеком» мені жас маман ретінде жылы қарсы алды, тәжірибелі мамандар кәсіби білімдерін бөлісуден аянып қалған жоқ. Әсіресе, аға әріптесім Кеңес Меңдіғалиевке алғысым шексіз», – дейді инженер.

Он жылдық қызметі барысында кейіпкеріміз компания белсендісіне айналып үлгерді: Z-telecom ұйымының мүшесі, түрлі байқаулар мен жарыстардың жүлдегері, «Үздік техник жұмыскер» аталымының жеңімпазы болды. Қайраты мол әріптесіміз спортта да елеулі жетістікке жетті – күрестен Ақтөбе облысының чемпионы атанды.

«Адамның қолынан келмейтін ештеңе жоқ деп ойлаймын. Жұмыста зор нәтижеге жету үшін ең алдымен мамандығыңды сүюің керек. Өз басым, жалпы Қазақстан игілігі жолында еңбек етіп жүрмін деп санаймын», – дейді Ерлан.

Выпуски SK NEWS

Смотрите также

Мы в социальных сетях:
Поддержка читателей:
+7 (7172) 99 97 86
Наш адрес:
г.Нур-Султан, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: