"Қазақтелеком" интернет-провайдерлер үшін жаңа цифрлық қызметтерді енгізеді

Бүгінгі таңда "Қазақтелеком" 50-ден астам байланыс операторларымен өзара әрекеттестік қатынастар жүзеге асырылуда және оларға ұзақ мерзімді ынтымақтастық аясында бірқатар қызметтер ұсынылуда: дауыстық трафик, VPN, интернет, МТС LTE және басқалары. Серіктестерге ыңғайлы болу үшін "Қазақтелеком" жаңа цифрлық қызметтерді енгізіп, тарифтік саясатты қайта қарап, өтінім беру және техникалық құжаттаманы алу жолын жеңілдетпекші.

Ең сұранысқа ие қызметтердің бірі – кабельдік кәрізге талшықты-оптикалық байланыс желілерін төсеу үшін техникалық талаптар алу. Өткен жылы "Қазақтелекомға" тұтынушылардан техникалық талаптар алу үшін 3378 өтініш келіп түсті, оның ішіндегі 612 өтінім – байланыс операторларынан екені анықталды. Осы жылдың басында осы қызметті онлайн-форматта ауыстырғанда, өтінім беру процесі ашық әрі анық бола түсті. Бұл формат ұсынылған құжаттар топтамасы, бас тарту себептері және т.б. туралы барлық ақпаратты көрсетуге мүмкіндік береді. Порталда осы қызметті ISMET.KZ порталында пайдаланған алғашқы 10 клиент оның ыңғайлылығын бағалап, бізбен хабарласып, оң пікір білдірді. Олардың арасында интернет-провайдерлер де, өз есебінен кеңсеге оптикалық желі өткізгісі келетін кәсіпкерлер де бар.

"Біз Қазақстанның байланыс операторларымен өзара ынтымақтастығымыздың табысты әрі жемісті болатынына сенімдіміз. Еліміздің ең ірі телеком-операторы ретінде біз қазақстандықтардың мүмкіндігінше жоғары жылдамдықты интернетке қол жеткізгенін қалаймыз. Интернет провайдерлермен бірігіп жұмыс істеу – бұл елді цифрландыруға қосқан елеулі үлесіміз", – деп атап өтті "Қазақтелеком" АҚ КБД байланыс операторларымен келісім департаментінің директоры Нұрсұлтан Шалқаров.

Өз кезегінде провайдерлер "Қазақтелекоммен" бірігіп жұмыс істеудегі бірқатар оң өзгерістерді атап өтті - бұл тек қызмет көрсетуді жақсарту ғана емес, сонымен қатар операторлық сегменттің ашықтығы, өзара түсіністігі мен қолдауының жаңа деңгейі болмақ.

"Біз, яғни операторлар үшін мұндай кездесулердің берері мол. Мұндай кездесулер жаңа жетістіктер, бизнесті дамытудағы тәсілдер туралы ақпарат алуға, сондай-ақ бірқатар маңызды мәселелерді шешуге мүмкіндік береді. Осылайша, "Қазақтелеком" өкілдерімен өткізген келіссөздер нәтижесінде біз тарифтік саясатты талқылап, өзара тиімді шешімге келдік. Сонымен қатар, техникалық мүмкіндікті дер кезінде ұсыну арқылы біз Қостанайдағы кабельдік кәрізде магистральдық желілер тармағын сала алдық", – дейді "UpLink" ЖШС құрылтайшысы және даму жөніндегі директоры Владимир Голишко.

Ірі телекоммуникация операторының алдағы жоспары - серіктестердің қажеттіліктері мен үміттеріне сәйкес келетін инновациялық шешімдерді әзірлеу, сондай-ақ В2О саласының кедергілері мен жүйелік мәселелерін бірлесіп талқылау және оларды болдырмау.