23 мамыр 2024, 15:30 1497

Қазақтың «Ортеке» өнері Қытайда танымал болды

Қазақтың мәдени мұрасы - «Ортеке» өнері Қытайда танымал болды. «Синьхуа» агенттігінің хабарлауынша, Қытай қазақтары туралы «Менің Алтайым» телехикаясындағы «Ортеке» биі түсірілген кадр қытайлық көрермендердің қызығушылығын тудырған.

Қытайлық Tik-Tok және Weibo әлеуметтік желілерінде «Ортеке» өнері туралы тақырып қызу талқыланып, Қытайдағы қандастарымыз «Ортеке» туралы көптеген видеолар жүктеген.

Айта кетерлігі, Алтай аймағы Қаба ауданының қарт ұстазы Серік Қыдырмолла телехикаяда «Ортеке» күйін орындаған.

Серік Қыдырмолланың айтуынша, бұл қойылым бір кездері түрлі мереке-тойларда қазақ халқына кең тараған. Бірақ соңғы жылдары бұл өнер бірте-бірте жойылып барады. Алайда, «Менің Алтайым» телехикаясы жас ұрпаққа қазақтың көне мұрасын нәсихаттауға мүмкіндік берген.

Еске салайық, «Ортеке» биі 2022 жылы ЮНЕСКО-ның Материалдық емес мұрасының тізіміне енген болатын. Қазақтың бұл көне өнері Қытайдағы қазақтар мекендеген Алтай аймағының материалдық емес мұралар тізіміне енген.

Еще больше новостей на нашем telegram-канале , подписывайся и будь в курсе!

К списку статей Следующая статья