Қазатомөнеркәсіп: Тең мүмкіндіктер – ортақ нәтиже

Алқалы жиында компанияның және оның еншілес әрі тәуелді ұйымдарының 200 астам қызметкері мен басшылары, сондай-ақ арнайы шақырылған қонақтар бас қосты. Іс-шараға «Самұрық-Қазына» қорының басқарушы директоры Ғибрат Ауғанов қатысты.

• Форум барысында гендерлік теңдік, мансаптық өсу және әйелдер көшбасшылығы мәселелері талқыланды.
• Қатысушылар тәжірибелерімен бөлісіп, атом саласындағы әйелдердің жетістіктерін таныстырды.
• ESG стандарттарын енгізу және «жасыл» экономикаға көшу үдерісінде гендерлік теңдіктің рөліне ерекше назар аударылды.

Қазіргі таңда «Қазатомөнеркәсіпте» 3700 астам әйел еңбек етеді, бұл компания ұжымының 17% құрайды. Олар саланың дамуына елеулі үлес қосып келеді. Әйелдер көшбасшылығын қолдау – «Самұрық-Қазына» қоры корпоративтік саясатының басым бағыттарының бірі.

Біз тең мүмкіндіктер қалыптастыру жолында тағы бір маңызды қадам жасағанымызды мақтан тұтамыз.