«Қазатомпром» компаниясының таза табысы 38 пайызға өсті

«Қазатомөнеркәсіп» ұлттық атом компаниясы» АҚ (бұдан әрі - «Қазатомөнеркәсіп», «ҚАӨ» немесе «Компания») 2024 жылғы 31 желтоқсанда аяқталған жыл үшін халықаралық қаржылық есептілік стандарттарына (ХҚЕС) сәйкес дайындалған аудиттелген шоғырландырылған қаржылық есептілікті жариялады.

«Атом энергетикасы жаһандық жасыл энергетика саясатының негізгі аспектісі екені сөзсіз. Көміртекті бейтараптыққа қол жеткізу үшін көптеген елдер атом энергетикасын электр энергиясының негізгі көзі ретінде көбірек пайдаланады, бұл уран нарығының іргелі негіздерін одан әрі нығайтады. Қазатомөнеркәсіп қазба отынынан жаһандық көшу үдерісіндегі өзінің стратегиялық рөлін түсінеді және барлық мүдделі тараптар үшін ұзақ мерзімді құндылық жасауға үнемі ұмтылады».

«Орташа жылдық спот бағасының өсуі аясында біздің табысымыз 26% - ға өсіп, 1,8 трлн теңгеден асты. Біржолғы кірістерді есептемегенде бас компанияға түзетілген таза пайда өткен жылдың нәтижелерімен салыстырғанда 38%-ға жоғары болды және 577 млрд теңгені құрады. Бұл әсерлі нәтижелер ұзақ мерзімді және орташа спот бағасының өсуін, сондай-ақ Компанияның әлемдегі ең арзан уран өндірушісі ретіндегі позициясын көрсетеді».

«Өткен жылдың басты оқиғасы біздің ұзақ мерзімді даму стратегиямызды жаңарту болды, оның негізгі қағидаты «Value Over Volume» тәсілі болып қала береді. Ресурстық базаны толықтыруға және тиімді пайдалануға бағытталған біздің ауқымды геологиялық барлау бағдарламамыз қазірдің өзінде нәтиже беруде. Біз өз қорларымызды бұрынғы деңгейде сақтап қана қоймай, барлау активтерінің портфелін айтарлықтай кеңейте алдық. Бұл ретте барлау жөніндегі жобалар тек қана Қазатомөнеркәсіпке тиесілі, бұл табиғи уранның сенімді жеткізушісі ретінде бізге деген сенімді одан әрі нығайтады», - деп атап өтті Қазатомөнеркәсіптің Басқарма төрағасы Мейіржан Юсупов.