Қазгермұнайда - жаңа басшы

Осы орайда 2018 жылы 26 қараша күні Қызылорда облысы әкімінің орынбасары Ким Евгений Германович, "ҚазМұнайГаз" Ұлттық Компаниясы" АҚ мұнай және газды өндіру жөніндегі директоры Нұрғалиев Қуанышбай Жаумытбайұлы және "ПетроҚазақстан Құмкөл Ресорсиз" АҚ игеру және күрделі құрылыс жөніндегі вице-президенті Көшербаев Болат Елеуұлы "Қазгермұнай» БК" ЖШС бас кеңсесінде серіктестіктің басшылық құрамымен кездесу өткізді.

Мұстафаев Мұрат Кеңесбайұлы 1972 жылы 21 қыркүйекте дүниеге келген. 1991 жылы Қызылорда политехникумын, ал 1996 жылы Қ.И.Сәтбаев атындағы Қазақ Ұлттық техникалық университетінің геологиялық барлау факультетін "Тау инженер-геологы" мамандығы бойынша бітірген. 2010 жылы Халықаралық бизнес академиясын аяқтап, Іскерлік әкімшілендіру магистрі дәрежесін алған.

Еңбек жолын 1997 жылы "Оңтүстікмұнайгаз" АҚ-да мұнай мен газды өндіру бойынша 2-дәрежелі оператор қызметінен бастаған. 2000 жылға дейінгі аралықта "ХаррикейнҚұмкөлМұнай" АҚ-да бригаданың аға операторы, инженерлік қызмет ұңғымаларын зерттеу бойынша 5-дәрежелі оператор қызметтерін, 2000-2003 жылдары "Қуат Амлон Мұнай" БК бас кеңсесінде далалық геолог және геолог болып қызмет атқарған. 2003-2012 жылдары еңбек қызметін "Торғай-Петролеум" АҚ-да түрлі қызметтерде жалғастырғаны хабарланып отыр: жетекші геолог-геология қызметінің басшысы, игеру жөніндегі жетекші инженер, игеру бөлімінің бастығы, бас геолог, геология және игеру жөніндегі директор. 2012 жылы "ҚазМұнайГаз" БӨ" АҚ-на шақырылып, 2015 жылға дейін бас геолог, бас директордың геология жөніндегі кеңесшісі, геологиялық барлау жөніндегі басқарушы директор қызметтерін атқарған.

2016 жылдың қаңтар-тамыз айларында "ҚазНИПИмұнайгаз" АҚ-да қоржындық менеджмент жөніндегі бас директордың бірінші орынбасары қызметінде, содан кейін 2016 жылғы 16 тамыздан бастап "ҚазНИПИмұнайгаз" ЖШС Бас директоры (Басқарма төрағасы) қызметінде істеген.

Қазақстан Республикасының Энергетика және минералдық ресурстар министрлiгi Геология және жер қойнауын қорғау комитетiгiнiгiң "Қазақстан Республикасы жер қойнауының құрметті барлаушысы" дипломымен және төсбелгісімен марапатталған.

"Қазгермұнай" БК" ЖШС Бас директоры қызметінде М.Мұстафаев серіктестікте 2017 жылғы 1 шілдеден бастап Бас директордың бірінші орынбасары және Бас директор қызметтерін атқарған Қайржан Есен Қайыржанұлын ауыстырды.