Главная Новости «Қазмұнайгаз» АҚ қаржылық тұрақтылығын арттырды
Компания тынысы21 қаңтар 2021, 15:34 152

«Қазмұнайгаз» АҚ қаржылық тұрақтылығын арттырды

«Қазмұнайгаз» АҚ қаржылық тұрақтылығын арттырды

«Самұрық-Қазына» АҚ басшысы Ахметжан Есімовтың төрағалық етуімен «ҚазМұнайГаз» ҰК» АҚ-ның 2020 жылғы жұмысының алдын ала қорытындылары тыңдалды, деп хабарлады Қордың баспасөз қызметі.

Мұнай бағасының күрт құлдырауына және OPEC+  келісімінің әсеріне қарамастан, компанияның өндірістік ұжымдары штаттық режимде жұмыс істеді, бұл тұрақты әлеуметтік жағдайды қамтамасыз етуге мүмкіндік берді.

«ҚазМұнайГаз» ҰК» АҚ қаржылық тұрақтылығын сақтап қалды, операциялық және күрделі шығыстарды едәуір қысқартып, борыштық жүктемені 472 млн АҚШ долларына төмендетті, сондай-ақ еурооблигацияларды 907 млн АҚШ долларына қайта қаржыландыруды жүргізді.

Экономикалық дағдарысқа қарамастан, компания қызметі белсенді түрде жалғасты. Мәселен, желтоқсан айында Шығыс Өріктау кен орнында екі ұңғыма тәжірибелік пайдалануға берілді. Маңғыстау облысындағы Шығыс Бектұрлы барлау блогында және Атырау облысындағы С.Нұржанов кен орнында бұрқақты мұнай ағыны алынды. Атырау облысында 2020 жылы 53%-дан 80%-ға дейін өскен газ-химия кешенінің құрылысында айтарлықтай жетістіктерге қол жеткізілді.

Ағымдағы жылы компания өзінің күш-жігерін геологиялық барлауға инвестициялар тартуға, ірі жобаларды іске асыруға және тұрақты даму мақсаттарына қол жеткізуге шоғырландыруға ниетті.

Выпуски SK NEWS

Смотрите также

Мы в социальных сетях:
Поддержка читателей:
+7 (7172) 99 97 86
Наш адрес:
г.Нур-Султан, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: