«ҚазМұнайГаз»: Алаяқтардан сақ болыңыз!

Қазіргі уақытта әлеуметтік желіде және мессенджерлерде Қазақстан азаматтарының қаржысын инвестициялық жобаларға тарту туралы «ҚазМұнайГаз» ұлттық компаниясы атынан жалған ақпарат таратушылар бар.

«ҚазМұнайГаз» ұлттық компаниясы таратылып жатқан жарнамалық хабарландыру өтірік екенін және бұл алаяқтыққа жататынын мәлімдейді. Барша қазақстандықтарды сақ болуға және тек ресми дерек көздеріне сенуге шақырамыз. Қандай әрекет жасар алдында ақпараттың растығын анықтап алыңыз.

«Еске саламыз, біз компанияның қызметі туралы барлық ақпаратты www.kmg.kz сайтында, сондай-ақ компанияның әлеуметтік желідегі парақшаларында ғана жариялаймыз» делінген хабарламада.