09 тамыз 2024, 16:00 1063

ҚазМұнайГаз және Mitsui & Co ынтымақтастық мәселелерін талқылады

«ҚазМұнайГаз» ҰК АҚ Басқарма төрағасы Асхат Хасенов Жапонияның Mitsui & Co инвестициялық компаниясының ТМД-дағы өңірлік басшысы Кадзумаса Миядзавамен кездесу өткізді.

Бұған дейін ҚМГ басшысы АҚШ-қа іскерлік сапары барысында америкалық LanzaJet технологиялық компаниясымен Ынтымақтастық туралы меморандумға қол қойған болатын. Mitsui & Co компаниясы – LanzaJet инвесторларының бірі. Қол қойылған Келісім аясында Қазақстанда SAF тұрақты авиациялық отын өндіру мүмкіндігі қарастырылуда.

Кездесуде компаниялар екіжақты несие механизміне қатысты (Joint Crediting Mechanism, JCM) ынтымақтастық мәселелерін талқылады. Атап айтқанда, JCM көмегімен зауыттардың пешінде технологиялық газды бос жағуды азайту үшін қаражат алуға болады, бұл мұнай өңдеу зауыттары жұмысының экологиялық параметрлерін жақсартуға мүмкіндік береді.

Еске сала кетсек, ҚМГ Қазақстанда биоотын нарығын дамыту бойынша міндеттер қойып отыр, бұл елдегі көміртегі бейтараптығына қол жеткізуге ықпал ететін болады.

Еще больше новостей на нашем telegram-канале , подписывайся и будь в курсе!

К списку статей Следующая статья