ҚазМұнайГаз мүмкіндігі шектеулі жандарға жұмыс орындарын ұсынды

Бастама инклюзивті жұмысқа орналасуға ықпал ету және мүгедектер үшін тең мүмкіндіктерді қамтамасыз ету мақсатында ұйымдастырылды. ҚазМұнайГаз өзінің әлеуметтік жауапкершілігінің маңызды аспектісі ретінде инклюзивті ортаны дамытуға баса назар аударады.

Жәрмеңкеде «ҚазМұнайГаз» ҰК АҚ, «ҚазТрансОйл» АҚ, «Павлодар мұнай-химия зауыты» ЖШС, «Атырау мұнай өңдеу зауыты» ЖШС, «КМГ Инжиниринг» ЖШС, «ҚМГ-Құмкөл» ЖШС, «KMG-Security» ЖШС, «ПетроҚазақстан» ЖШС, «ҚМГ Қашаған Б.В.» ЖШЖК өздерінің бос жұмыс орындарын ұсынды.

Қазіргі уақытта платформада "Самұрық-Қазына" АҚ барлық тобы бойынша мүгедектігі бар адамдар үшін 89 бос жұмыс орны ашылды. Жыл басынан бері 180-ден астам инклюзивті қызметкер жұмысқа орналастырылды.

Қатысушыларға www.QSamruk.kz платформасында тіркелу әдісі, жұмыс іздеу механизмдері, сонымен бірге іріктеу процестері және түйіндемеде мүгедектіктің бар-жоғын растайтын функционал көрсетілді.

Жәрмеңке бос жұмыс орындары орналастырылатын және конкурстық рәсімдер өткізілетін Samruk Business Academy және QSamruk.kz жобасының қолдауымен ұйымдастырылды.