ҚазМұнайГазда жаңа тағайындау

Нұрлан Абдрасулов "ҚазМұнайГаз" ҰК" АҚ мұнайды қайта өңдеу, маркетинг және газ өткізу бойынша басқарушы директоры болып тағайындалды. Еске сала кетсек, бұған дейін ол "ҚазТрансГаз" АҚ бас директорының кеңесшісі қызметін атқарды.

Нұрлан Қадырұлы 1963 жылы 6 желтоқсанда Қарағанды қаласында дүниеге келген.

1981-1987 жылдары Н.Э.Бауман атындағы Мәскеу жоғары техникалық училищесінде «Өндірісті автоматтандыру және механикаландыру» факультетінде оқыса, 2000-2002 жылдары Қазтұтынуодағы Қарағанды экономикалық университетінің «Қаржы және несие» факультетінде білім алған.

Еңбек жолын 1987 жылы С.М.Киров атындағы машинақұрылыс зауытында шеберліктен бастап, кәсіпкерлік салада басшылықта болғаннан кейін Қорғаныс министрлігінің мемлекеттік кәсіпорнында және Мемлекеттік жинақтаушы зейнетақы қорында істеген. 2000 жылдан газ тасымалы бағытында еңбек етіп келеді. Экономика ғылымдарының кандидаты.

"Құрмет" орденімен және өзге де мерейтойлық, салалық марапаттармен еленген.

Айтпақшы, "ҚазМұнайГаз" компаниясының баспасөз қызметі Ауғанстанда мұнай өндіру жөнінде ешқандай келіссөздер жүргізіліп жатпағанын мәлімдеді.