ҚазМұнайГаздың сатып алуындағы елішілік құндылық үлесі 75% құрады

Биылғы 5 айда «ҚазМұнайГаз» ҰК АҚ-ның тауарларды, жұмыстарды және қызметтерді сатып алудағы елішілік құндылығының үлесі 75%-ды құрады. 2024 жылғы көрсеткіш — 81% болған.

Компанияда офтейк-келісімшарт тетігі және ұзақ мерзімді шарттар жасасу арқылы отандық өндірісті қолдауға айрықша назар аударылады. Импортты алмастыру бағдарламасын іске асырудың барлық кезеңінде жалпы сомасы 76,8 млрд теңгеге 420 офтейк-келісімшарт жасалса, биылғы 5 айда 14,3 млрд теңге болатын 63 офтейк-келісімшартқа қол қойылды.

2024 жылы 24,9 млрд теңге сомасына 76 ұзақ мерзімді шартқа қол қойылса, 2025 жылдың 5 айында 33,5 млрд теңге сомасына 86 келісімшарт қабылданды.

Ұзақ мерзімді шарттар жасасу отандық кәсіпорындардың өндірістік қуатын пайдалануын және шығарылатын өнімнің сату кепілдігін, сондай-ақ компания жұмыс жүргізетін өңірлердің әлеуметтік жағдайын жақсартуды қамтамасыз етеді. Бұл ретте офтейк-келісімшарттарды жасасу Қазақстанның аумағында жаңа өндірістерді және жаңа жұмыс орындарын ашуға мүмкіндік береді.