Главная Новости Қазпошта Батыс Қазақстан облысындағы қызметін кеңейтеді
25 мамыр 2023, 09:21 251

Қазпошта Батыс Қазақстан облысындағы қызметін кеңейтеді

Қазпошта Батыс Қазақстан облысындағы қызметін кеңейтеді

Қазпошта Батыс Қазақстан облысының әкімдігімен өңірде қызметті қолдау және кеңейту жөніндегі ынтымақтастық туралы меморандумға қол қойды.

Құжат өңірдегі өндірістік нысандарды дамытуға әрі сақтауға, пошта байланысының стационарлық бөлімшелері жоқ ауылдық елдімекендерде ғимарат ұсыну мүмкіндігін жасауға бағытталған.

Тараптар кәсіпкерлік қызметті, оның ішінде электрондық коммерция саласын танымал етуге бағытталған жобаларды бірлесіп қолға алуды; жазбаша хат-хабарлар мен мерзімді басылымдарды шалғайдағы ауылдық елдімекендерге жеткізуді көздеп отыр.

«Келісім Қазпошта өндірістік желісінің сапалы және үздіксіз жұмыс істеуі үшін, Батыс Қазақстан облысының әкімдігімен бірлесіп жұмыс істеу мүмкіндігін береді. Облыстық әкімдік бізге зейнетақы және жәрдемақы беру жұмысын ұйымдастыруға, аудандық және ауылдық әкімдіктердің ғимараттарында мерзімді басылымдарға жазылу науқанын жүргізуге көмектеседі. Клиенттер көп болған кезде, Қазпошта қызметкерлерінің қауіпсіздігін сақтау мақсатында жергілікті полиция бөлімдері тартылатын болады. Біз халыққа Қазпошта қызметтері бұрынғыдан да қолжетімді болуы үшін, жаңа қызмет көрсету орындарын ашу жолдарын қарастырып жатырмыз", - деп атап өтті «Қазпошта» АҚ желі, логистика және сатып алуды басқару жөніндегі басқарушы директоры Ержан Қазанбаев.

Меморандум аясында Қазпошта электрондық коммерция саласындағы жобаларды қолдау, сондай-ақ электрондық коммерцияны өтеусіз негізде оқыту үшін, білім беру жобаларын ұйымдастыруды жоспарлап отыр. Одан бөлек, ұлттық пошта операторы жергілікті халықтың қаржылық сауаттылық деңгейін арттыру мақсатында облыс әкімдігімен бірлескен іс-шаралар өткізеді.

Еще больше новостей на нашем telegram-канале , подписывайся и будь в курсе!
АРХИВ ЖУРНАЛОВ SKNEWS

Смотрите также

Мы в социальных сетях:
Поддержка читателей:
+7 (7172) 99 97 86
Наш адрес:
г.Астана, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: