Главная Новости Қазпошта Бейімбет Майлиннің 125 жылдығына арнайы марка шығарды
Маңызды17 мамыр 15:46 643

Қазпошта Бейімбет Майлиннің 125 жылдығына арнайы марка шығарды

Қазпошта Бейімбет Майлиннің 125 жылдығына арнайы марка шығарды

Қазақтың көрнекті жазушысы, ақын Бейімбет Майлиннің туғанына биыл 125 жыл. Алаш ардақтысының мерейтойына орай "Қазпошта" АҚ Бейімбет Майлиннің жарқын бейнесі бейнеленген пошта маркасын басып шығарды деп хабарлайды Компанияның баспасөз қызметі.

Қаламгер қазақ әдебиетінде мол мұра қалдырды. "Шұғаның белгісі" әңгімесі оның шоқтығы биік шығармасы саналады. "Ауыл тілі", "Қазақ әдебиеті" газеттерінің бас редакторы болды. Роман, повесть, бірнеше либретто мен пьеса, киносценарий жазды.

Қайраткер бабамыздың бейнесі бар марканың тұсауын ақын Олжас Сүлейменов кесті.

"Бейімбет тамаша жазушы еді. Өзінің басты кітабын жазып үлгермей кеткен жазушылар туралы еске тек маркалар ғана салмау керек. Қазақ әдебиетінің классиктерінің мерейтойын атап өтетінімізге өте қуаныштымын. Б.Майлиннің 125 жылдығымен баршаңызды құттықтаймын, тамаша адам және ұлы жазушы", - деді ол.

"Беймбет Майлин әртүрлі ұрпақтың оқырманы үшін жүздеген ұмытылмас және жарқын кейіпкерлері бар туындылар шығарған ұлттық жазушы болды. Ол өз халқын жақсы көрді, қарапайым адамдардың қиын өмірін адал және шынайы сипаттады, олардың жүректерін толтырған сезімдер мен эмоцияларды елеулі түрде жеткізді. Жазушы өзінің халқына деген сүйіспеншілігі мен құрметіне ие болды, болашағына сенді. Сондықтан оның мерейтойына арналған марканы шығару – оған деген құрмет деп білеміз. Қордың және туыстарының атынан біз жазушының 125 жылдық мерейтойына арнап шығарған дербес марка үшін Қазпоштаға алғысымызды білдіреміз", - деді Б.Майлин атындағы қоғамдық қордың негізін қалаушы Салтанат Мұстафина.

"Қазпошта" АҚ Алматы филиалының директоры Әлия Сүгірбаеваның айтуынша, пошта маркасы кез-келген мемлекеттің нышаны, тарих пен мәдениеттің белгісі. Пошта өкілі  жаңа марканың филателиялық қорда айшықты орын алатынына сендірді.

Бейімбет Майлинің пошта маркасы "Уақыт пен тұлға" сериясы бойынша жарық көрді. Марканың авторы - суретші Іңкәрімай Оңғарбай. Жазушы келбеті бейнеленген марка 5 млн данамен жарыққа шықты. Ал, марканың құны 250 теңге тұрады.

Выпуски SK NEWS

Смотрите также

Видео Все видео
Мы в социальных сетях:
Поддержка читателей:
+7 (7172) 99 97 86
Наш адрес:
г.Нур-Султан, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: