«Қазпошта» көмегімен жаңа интернет-дүкен іске қосылады

Қазпошта курьерлік және пошталық жеткізу қызметтерін, сондай-ақ фулфилмент-орталықтар сервисін көрсету бөлігінде маркетплейсті іске қосуға қатысуға ниетті. Жаңа интернет-дүкен делдалдық қызметтерді мүмкіндігінше алып тастай отырып, тұтынушылар үшін түпкілікті өнімнің құнын төмендету міндетін қояды.

«Ұлттық пошта операторы өз қызметін трансформациялау шеңберінде өз сервистерін жетілдіруге және электрондық сауда әлеуетін дамытуға бағытталған. Біз Қазақстан аумағында франчайзингтік серіктестер мен филиалдардың кең желісіне ие болып, бұл аудан мен тұрғындарға қажетті өнімді ірі қалаларға бармай-ақ сатып алуға жағдай жасауға мүмкіндік береді. Осы мақсатта біз Post.kz сайтымызда және мобильді қосымшада «Маркетплейстер сөресін» белсенді түрде дамытамыз, онда қазақстандықтар онлайн-сатып алулар жасай алады, содан кейін сатып алынған тауарларды жеткізуге тапсырыс бере алады», – деді «Қазпошта» АҚ Басқарма төрағасы Серік Саудабаев.

Маркетплейсті әзірлеумен Қазақстандық IT мамандар айналысқан.

«Тартылатын инвестициялар да шетелдік инвесторлардың қатысуынсыз. Сатып алушыларға тауарларды бөліп-бөліп сатып алу бойынша қызметтерді енгізу жоспарда бар. Болжалды ассортимент 100 мыңнан астам атауды құрайды. Біз ҚХР, Түркия, РФ, Еуропа және басқа да елдердің жеткізушілерімен біздің маркетплейсте тауарларды орналастыру туралы шарттар жасастық. Қазақстандық өндірушілерді ынталандыру тауарларды жеңілдікті негізде орналастыру болады», – деді Business Investor Group ЖШС басшысы Вячеслав Толок.

Әзірлеушілердің пікірінше, интернет -дүкеннің ерекшелігі тауарлар мен қызметтерді бөлшек және көтерме саудада, соның ішінде заңды тұлғаларға сатып алу мүмкіндігі болады. Жаңа дүкеннің ашылуы ағымдағы жылдың қараша айына жоспарланған.