Қазпошта қызметкерлері «Samruk Marathon» корпоративті марафонына қатысты

Оған «Самрұқ-Қазына» ҰӘҚ барлық еншілес компанияларының өкілдері қатысып, өздерінің жүгіру марафонына деген дайындықтарын көрсетті.

Спорттық дода таңғы 7-де басталып, онда ұйымдастырушылар құттықтау сөз сөйледі.

Айта кетерлігі, жүгіру марафонына «Самрұқ-Қазына» ҰӘҚ еншілес компаниялары қызметкерлерінен бөлек, олардың 10-16 жас аралығындағы балалары да қатысты.

Осылайша, салауатты өмір салтын ұстанатын жасөспірімдер 1 шақырым қашықтықты бағындырып өтті.

Ал ересектер арасындағы марафон таңғы сағат 8:30-да басталды. Олар 5-10 шақырым қашықтықта бақ сынады.

Марафон соңында жеңімпаздар анықталып, оларға сыйлықтар табысталды.

«Бүгінгі марафон өте жоғары деңгейде өтті. Біз бұған дейін марафонға дайындық ретінде жаттығуға бірнеше мәрте қатысқан болатынбыз. Жалпы мұндай шараларға қатысу болашақ ұрпаққа салауатты өмір салтын ұстануға шақырады. Сондықтан барлық қатысушыларды бүгінгі жеңістерімен құттықтағым келеді. Бастысы қатысу», - дейді «Қазпошта» АҚ ЖҚКО филиалы тексеру және бақылау басқармасының бас менеджері Бақберген Апаш.

Ұйымдастырушылар, сондай-ақ, барлық қатысушыларға алғыстарын айтып, қала тұрғындарын салауатты өмір салтын ұстануға шақырды. 

Еще больше новостей на нашем telegram-канале , подписывайся и будь в курсе!