«Қазпошта» мен «Яндекс Доставка» ынтымақтастық мүмкіндігін қарастырып жатыр

Жоба негізінде – «Яндекс» технологияларын енгізу қарастырылған: бөлімшелерден сәлемдемелерді тұтынушының есігіне дейін ыңғайлы уақытта жеткізу жұмысын іске қосу, курьерлер үшін маршруттарды автоматты түрде жоспарлау және нақты уақытта жеткізу сапасын бақылау.

«Қазпошта» барлық өз курьерлері үшін маршруттарды құру процесін автоматтандыруды жоспарлап отыр. Маршруттарды мекенжай бойынша топтастыру және кептеліс туралы мәліметтерді ескере отырып, оларды айналып өтудің оңтайлы ретін, қажетті жеткізу уақытын таңдау және т.б. жүздеген параметрлер қарастырылған. Жаңа тәсіл курьерлер мен көлік ресурстарын тиімді пайдалануға және тұтынушыларға қызмет көрсету деңгейін арттыруға мүмкіндік береді.

Жеткізу процесін трансформациялаудан бөлек, «Қазпошта» жеткізу сапасын бақылау жүйесін енгізуді көздеп отыр.