Kazpost курьері: Маршрутты дұрыс жасау өте маңызды

Біз Қазпоштада көп жылдар бойы еңбек етіп келе жатқандардың барлығына ризамыз және әлбетте, команданың жас мамандарын қолдаймыз. Шыңғыс Жұмашев елордаға жақында көшіп келіп, EMS Kazpost қызметіне курьер болып жұмысқа орналасты. Алғашқы күннен бастап ол ұжымға қосылып, міндеттерді толық жауапкершілікпен орындауға кірісті.

«Мен жұмысқа ерте, таңғы 8-ге таман келуге тырысамын. Сағат 9-ға дейін сәлемдемелерімді жинап, түгендеймін, 9.00-де шығып, жөнелтілімдер мен хаттарды алушыларға уақтылы жеткізу үшін бағытты алдын ала ойластырып аламын. Бұл әсем қаланы жақсы көріп қалдым, оның қалай салынғаны, баратын жаңа жерлерді зерттеу өзім үшін өте қызықты. Курьерлерге қалада жақсы жүріп-тұру, маршрутты дұрыс жасау өте маңызды», – дейді Шыңғыс.

Ол өз дағдыларын жетілдіріп, дамытуға және компанияда ашылатын мансаптық мүмкіндіктерді пайдалануға ниетті. Біз әріптесімізге мақсаттарға жету жолында сергектік, оптимисттік көзқарас және сәттілік тілейміз.

Дереккөз: «Қазпошта» АҚ әлеуметтік желідегі парақшасы