«ҚазТрансОйл» инженері – Қазақстан раллиі төрешілерінің хатшысы

«ҚазТрансОйл» АҚ Павлодар мұнай құбыры басқармасы ақпараттық жүйелерге қызмет көрсету учаскесінің жетекші инженері Нариман Қабдуалиев Халықаралық Мотоцикл Федерациясының (FIM) төрешілер хатшысы ретінде қазылар бригадасының жұмысына қатысты.

«Мен 2015 жылдан бастап автомобиль спорты бойынша 1 топтағы төрешімін. Кезекті рет төрешілер құрамына шақырту алғанда әрине риза болдым. Қазылар бригадасында жұмыс істеу үшін міндетті түрде ағылшын тілін білуің қажет, бұл жағынан менде проблема жоқ. Әлем чемпионаты Қазақстанда төртінші рет өткізіліп отыр. Биыл 38 мемлекеттен 55 қатысушы бақ сынады. Барлық қатысушылар Батыс Қазақстанның жолдары бойынша 2 000 шақырымдық, яғни бес күндік маршрут бойынша жүріп өтті. Ол жолдың 1 700 шақырымы қиын жолдар болып табылады», – дейді Нариман Қабдуалиев.