01 наурыз 2023, 08:23 807

ҚБМ басшылығы ІІ ауысым жұмысшыларына есеп берді

Қаражанбас кен орнында Компания басшылығының II ауысымдағы еңбек ұжымына есеп беру кездесуі өтті. «Қаражанбасмұнай» АҚ басшылығы ұжымға 2022 жыл бойынша компанияның негізгі өндірістік міндеттерін, қаржы-экономикалық, кадр және әлеуметтік, әкімшілік-шаруашылық қорытындыларын таныстырды. Сондай-ақ болашаққа жоспарлар аталып өтілді.

Алғаш болып сөз алған, ҚБМ Бас директоры Нұрсейіт Союнов өндірістік бағдарламаларды орындау үшін жұдырықтай жұмылған еңбек ұжымының жемісті жұмысы мен бірлігі үшін алғыс білдірді. Оған қоса басшылық жұмысшыларға өндіру көлемін арттыру және қызметкерлердің әлеуметтік-тұрмыстық жағдайларын жақсарту бойынша атқарылып жатқан жұмыстарды таныстырды.

Бұдан соң негізгі блоктар мен департамент басшылары баяндама жасады. Басты қағидат - мұнайшылар денсаулығы мен қауіпсіздігі, әсіресе өндірістік алаңдарда белгіленген ережелерді қатаң сақтау маңыздылығы ерекше атап өтілді. Қауіпсіздік техникасын сақтау бойынша үлгі көрсеткен жұмысшыларды ынталандыру мақсатында бірқатар маман марапатталды.