16 қаңтар 2023, 09:30 1915

ҚБМ футбол командасы 3-орын иеленді

«Қаражанбасмұнай» АҚ жұмысшылары 40+ жас санаты бойынша қалалық футбол біріншілігінде үшінші орын алды. Мұнайшылар құрамасы ақтық сынға дейінгі барлық кезеңде лайықты ойын көрсетті.

Турнирге мұнай компаниялары мен өндіріс, құрылыс сияқты бірқатар саладан 14 құрама команда қатысты. Бағы мен бабын сынға салған аяқдопшылар 13 кезең бойы тартысты ойын көрсетті. Ақтық сын жақындаған сайын турнир қыза түсіп, командалардың чемпион атануға құлшынысы еселенді.

Қорытындыға сәйкес, ҚБМ жұмысшылары ұпай және гол сандары бойынша BS stroi және ККМ командаларына есе жіберіп, үздік үштікті түйіндеді. Сондай-ақ Бұрғылау және ұңғымаларды жерасты күрделі жөндеу басқармасының инженері Мақсат Ізтаев ойындар барысында 33 гол соғып, «Үздік сұрмергендер» тізіміне енді.