ҚБМ: Ғылым мен өндіріс арасындағы байланыс

Оқыту тренингі барысында ҚР Ұлттық тау-кен ғылымдары академиясының академигі Асқар Сыздықов ғылым мен өндірістің өзара байланысының маңыздылығына тоқталды.

Оқытудың негізгі мақсаты №1,2,3 мұнай өндіру цехтарының басшыларын, шеберлері мен инженерлерін мұнай өндіру көлемін арттыру үшін табиғи және синтетикалық полимерлерді қолдану әдістерімен таныстыру, мұнай өндіруді арттыру құралы ретінде көлденең және бүйірлік оқпандар қабатының гидравликалық жарылуын қолдану, қабаттың мұнай беруін арттыру және күрделі өндірілетін мұнай қорларын игеруге бейімдеу.

Теориялық дәрістер курсын аяқтағаннан кейін мамандар Қаныш Сәтбаев атындағы ұлттық техникалық зерттеу университетінің зертханаларында болып, өндіріс саласындағы соңғы ғылыми жаңалықтармен танысты.

Тренинг соңында қатысушылар өз әсерлерімен бөлісе отырып, пікір алмасты, мұнай саласына ғылымның жаңа жетістіктерін енгізудің маңыздылығын атап өтті. Барлық қатысушыларға сертификаттар табысталды.