ҚБМ: Мұнайшы арулар арасындағы Quiz

7 кезеңнен тұратын ойынға өндірістік цехтардың үмітін арқалаған 6 қыз қатысты. Ойын ережесіне сәйкес, олар алдымен тест тапсырмаларын орындады. Одан соң жасырылған суреттер мен фильм атауларын тауып, викториналық сұрақтарға жауап берді. Осылайша өндірісте еңбек ететін нәзікжандылар мерекені ерекше форматта атап өтті.

«Бұл жай ғана ойын емес, мұнайшы қыздардың танымын кеңейтіп, жаңа идеялас достар тапқан шара болды. Аруларға көңіл бөліп, көтеріңкі көңіл-күй сыйлаған ұйымдастырушыларға алғысымыз шексіз», – деді қатысушылар.

Арулардың зияткерлік қабілеті паш етілген ойында ІІІ орын №1 мұнай өндіру цехының геологы Жанар Қалдыбаеваға бұйырды. ІІ орынға материалдық техникалық жабдықтау базасының қызметкері Әсемгүл Тұрақбаева лайық деп танылды. Ал жүйріктер ішінен дараланған МТЖБ тауартанушысы Айгерім Бопилова куиз жеңімпазы атанды. Мұнайшы қыздар мақтау қағаздарымен, сыйлық сертификаттарымен марапатталды.