22 ноября 2023, 14:19 1235

KEGOC басшылығының өңірлік филиал қызметкерлерімен кездесуі жалғасуда

22 қарашада «KEGOC» АҚ Басқарма төрағасы Нәби Айтжанов «Ақмола ЖЭТ» филиалының ұжымымен кездесіп, биылдың еншісіндегі жұмыстарды пысықтады және компанияны дамыту жөнінде жаңа өндірістік міндеттер жүктеді.

«Компанияда қызметкерлер және олардың еңбек жағдайларын жақсарту мәселелеріне басымдық беріледі. Кездесу барысында әріптестеріміздің тарапынан сындарлы ұсыныстар айтылды, сондай-ақ жұмыс процестерінің тиімділігін арттыру жөнінде жаңа идеялар тыңдалды», - деп атап өтті Нәби Еркінұлы.

«Ақмола ЖЭТ» филиалы Астана қаласын сенімді электрмен қамтамасыз етуде маңызды рөл атқарады. Филиал заманауи құрылғылармен жабдықталған, онда кәсіби біліктілігі мен дайындық деңгейі жоғары 500-ден астам маман жұмыс істейді.