02 наурыз 2023, 08:39 926

KEGOC көктемгі су тасқынының алдын алу шараларын жүргізуде

«KEGOC» АҚ-ның 9 өңірлік филиалында жыл сайын алдын алу шаралары және авариялық жағдайларды жоюға дайындық жұмыстары қарқынды жүргізіледі.

Компанияның өндірістік нысандарында электр жеткізу желілерін, ғимараттар мен құрылыстарын ағын судан қорғау бойынша 285 іс-шара әзірленген. Су басу қаупі бар электр жеткізу желілерінің учаскелерінде жоғарыдан бақылау жасалынып, қосалқы станцияларда және басқа да өндірістік аумақтарда қар күреу жұмыстары жүргізілуде.

Электр желілік нысандарда авариялық-қалпына келтіру жұмыстарын жүргізу үшін 665 адамнан тұратын 91 кешенді бригада ұйымдастырылды. Бригадалар 273 автотехникамен, 54 дизель-электр станциясымен және 91 сорғымен жабдықталған. Сондай-ақ «KEGOC» АҚ-да жабдықтардың, материалдар мен қосалқы бөлшектердің апаттық қоры көзделген.

Осы кезеңде энергетиктер ауа-райының өзгеруін және өзендер мен су айдындарының деңгейін тұрақты бақылау үшін жергілікті атқарушы және аумақтық органдармен, гидрометеорологиялық қызметтермен тығыз байланыста жұмыс істеуде.

Еще больше новостей на нашем telegram-канале , подписывайся и будь в курсе!

К списку статей Следующая статья