05 сәуір 2023, 10:30 1800

KEGOC командасы әуесқой футбол турнирінде I орынға ие болды

Қазақстандық футбол әуесқойлары лигасының ұйымдастыруымен өткен футзал бойынша турнир өз мәресіне жетті.

Астана қаласында ҚФӘЛ ұйымдастырған турнирде «Энерготехкәсіподақ» ҚБ қолдауымен компания кәсіподағының белсенді мүшелері, дәлірек айтқанда Атқарушы дирекция, «Ақмола ЖЭТ» филиалы және «Энергоинформ» АҚ құрылған KEGOC командасы тартысты ойындарға қатысты. Үш айдың ішінде спортшыларымыз 13 қарсылас командамен кездесулер өткізді. Нәтижесінде KEGOC командасы 10 ойында жеңіске жетіп, жүлделі I орынды иеленді.

Команда алдағы уақытта «Жаз-2023» ҚФӘЛ турниріне, сондай-ақ ағымдағы жылдың маусым айында басталатын мемлекеттік органдар мен квазимемлекеттік сектор компаниялары арасындағы «QYZMET CUP» турниріне қатысуды жоспарлап отыр.