KEGOC мемлекеттік тілдің қолданыс аясын кеңейтеді

Семинар барысында Қазақстан Республикасындағы Тіл саясатын дамытудың 2023 – 2029 жж. арналған тұжырымдамасының мақсаттары мен міндеттері, энергетика саласындағы терминология мәселелері, «ҚАЗТЕСТ» жүйесі бойынша қазақ тілін меңгеру деңгейін бағалау жүйесі және мемлекеттік тілдегі құжат айналымы мәселелері талқыланды.

KEGOC-та қызметкерлердің қажетті тілдік құзыреттілік деңгейіне қол жеткізуі үшін жыл сайын қазақ тілін оқыту курстары өткізіледі. 2022-2023 жж. аралығында мемлекеттік тілді оқыту курстарына 562 қызметкер қатысып сертификат алды. Биыл тамыз айынан бастап 300-ден астам қызметкерге қазақ тілін оқыту курстарын өткізу жоспарланып отыр.

Сондай-ақ, 2016 ж. бастап компания және филиал қызметкерлері үшін ҚАЗТЕСТ жүйесі бойынша сертификаттық тестілеу өткізіліп келеді. 2023 жылғы мамыр айында өткізілген диагностикалық тестілеуге 99 қызметкер қатысып, оның ішінде 88 қызметкер, яғни 89%-і тестілеуді өте жоғары деңгейде (В1, В2, С1) тапсырды.

2024 жылғы 1-тоқсанның қорытындысы бойынша мемлекеттік тілдегі шығыс құжаттарының үлесі 95%-ті және ішкі шығыс құжаттарының үлесі 96%-ті құрады.