KEGOC пен Азия инфрақұрылымдық инвестициялар банкі Астанада кездесу өткізді

«KEGOC» АҚ өкілдері энергетикалық инфрақұрылымды дамыту бойынша жүзеге асырылып жатқан жобалар жайлы айтты.

АИИБ вице-президенті Константин Лимитовский жобалардың АИИБ корпоративтік бағдарламасына сәйкес келетінін және бұл өз кезегінде оларды жүзеге асыруда өзара тиімді серіктестікке мүмкіндіктер ашатынын атап өтті.

Тараптар кездесуден соң көтерілген мәселелерді толығырақ қарастырып, бірлескен бастамалардың аспектілерін, соның ішінде қаржыландыру, техникалық іске асыру және жобаларды басқаруды бірлесіп әзірлеуге келісті.