KEGOC ТМД Электр энергетикалық кеңесінің кезекті отырысында

Душанбе қаласында ТМД Электрэнергетикалық кеңесінің 67-отырысы өтті. Отырыста Қазақстан Республикасының уәкілетті өкілі ретінде «KEGOC» АҚ Ұлттық электр торабын дамыту жөніндегі басқарушы директор Алмаз Саухимов қатысты.

Кеңесте ТМД елдерінің электр энергетикасындағы ынтымақтастықты дамытуға қатысты маңызды мәселелер талқыланды, соның ішінде:

• ШЫҰ елдерімен энергетикалық әріптестікті кеңейту
• ТМД отын-энергетикалық кешенін дамыту стратегиясының жобасы
• Параллель жұмыс істейтін энергожүйелердің тұрақтылығына арналған жаңартылған әдістемелер
• Кеңестің жұмыс және ұйымдастырушылық мәселелері

KEGOC-тың халықаралық алаңдардағы белсенділігі тәжірибе алмасуға, әріптестікті нығайтуға және Қазақстан энергожүйесінің сенімділігін арттыруға ықпал етеді.