КЕGОС Ұлттық электр торабын жылу беру маусымынан өтуге дайындауда

1 қыркүйектегі жағдайға сәйкес, 73 электр жеткізу желісі, 14 қосалқы станция жабдығы, 65 ғимарат және 249 автокөлік бірлігін қоса алғанда, 401 объектіде жөндеу жұмыстары орындалды. Қазақстанның оңтүстік өңірлеріне электр энергиясының ағыны қамтамасыз етілетін «Қазақстанның Солтүстік-Оңтүстігі» стратегиялық маңызды транзит желілерінде жөндеу жұмыстары аяқталды. Сонымен қатар, жабдықтардың, материалдар мен қосалқы бөлшектердің авариялық қоры толықтырылды, трансформаторлық май мен жанар-жағармай материалдарының қажетті қоры қамтамасыз етілді.

Жөндеу жұмыстары тек күзгі-қысқы кезеңнен өту кезінде ғана емес, сонымен қатар жөндеу науқаны кезінде де желілердің сенімді жұмысын қамтамасыз ету үшін қатаң түрде ажырату кестесіне сәйкес, жоғары сапада орындалады. 2024 жылғы 15 қазанға дейін «КЕGОС» АҚ жөндеу жұмыстарын толық аяқтап, 2024-2025 жж. күзгі-қысқы кезеңде жұмысқа дайындық паспортын алуды жоспарлап отыр.

Компанияда жарақат алуды болдырмау және өндірістегі қауіпсіздік ережелерін бұзуға жол бермеу қағидаттары қатаң сақталады. Жұмыстардың барлығы қауіпсіздік талаптарын қатаң орындай отырып жүргізіледі. Қызметкерлер қажетті оқыту мен дайындықтан өтті, жеке қорғаныс құралдарымен қамтамасыз етілді, HSE саласында персоналмен тұрақты жұмыс жүргізілуде.

Өткен қыста энергетиктер 2023 жылғы 13 желтоқсанда 16,6 ГВт-қа жеткен электр қуатын тұтыну максимумының рекордтық көрсеткішін тіркегенін естеріңізге сала кетейік. Елде электр энергиясын өндіру мен тұтынудың өсуі жалғасуда. 2024 жылдың 7 айында электр энергиясын өндіру көлемі 69,3 млрд кВтсағатты, тұтыну – 69,5 млрд кВтсағатты құрады. 2023 жылдың ұқсас кезеңімен салыстырғанда өндіріс сәйкесінше 4,9%-ке және 3,8%-ке өсті.