Келелі кездесу: мұнайшылар ұлт дүниетанымынан сусындады

Санжар Керімбай бүгінде халқымыздың байырғы салт-дәстүрі мен ұлттық дүниетанымын насихаттап, аңыз-қиссалардың мәнін ұғынуға үн қосқан, «Әлдиден эпосқа дейін», «Салт-дәстүр сөйлейді», «Сияр шәріп», «Логотерапия немесе өмірге құштарлық» секілді кітаптар арқылы көпшілікке танымал.

«Риза ана» қоғамдық қоры, «Азаматтық бастамаларды қолдау орталығының» ұйымдастыруымен өткен кездесуде Санжар Керімбай мұнайшыларға қазақ журналистикасының бір туар тұлғасы, талантты журналист Бейсен Құранбек жайлы естеліктер айтып, тау тұлғаның өмірі мен өнегесін, елдік мүдде, қоғамға қызмет жолындағы сәулелі ғұмырынан сыр шертті.

Кеш соңында еңбек ұжымы «Бейсен және болмыс» кітабының авторымен естелік суретке түсіп, автордан қолтаңба алып, жақсы көңіл-күймен тарқасты.