08 сәуір 2024, 09:20 398

ҚМГ еншілес кәсіпорындары көктемгі тасқын сумен күреске жұмылды

ҚазМұнайГаздың Маңғыстаудағы еншілес кәсіпорындары су тасқынынан зардап шеккен және әлі де қауіп төніп тұрған Атырау өңіріне көмек көрсету үшін күш біріктіріп, көрші облысқа қаржылай, гуманитарлық көмек пен арнайы құрал-жабдықтарды жеткізу жұмыстарын кезең-кезеңімен ұйымдастырып жатыр.

«Ембімұнайгаз» АҚ (ЕМГ) Орталық аппараты мен өндірістік құрылымдық бөлімшелердің мамандары Махамбет ауданы Алмалы ауылында жағалауды бекітуді жалғастырып жатыр.

«Өзенмұнайгаз» АҚ Атырау облысы Жылыой ауданы, Құлсары қаласына көмекке 4 көтергіш көлік, 4 жүк тиейтін көлік, 8 жүк көлігі, 1 экскаватор, 1 жанар-жағармай тасымалдаушы көлік және 2 автобус бөлді. Жұмысшылардан құралған арнайы топ пен техника Жетібай-Құлсары бағытында бүгін жолға шықты.

«Өзенмұнайгаз» АҚ (ӨМГ), «Маңғыстаумұнайгаз» АҚ (ММГ) және «Қаражанбасмұнай» АҚ (ҚБМ) жағаны бекітіп, жасанды бөгет жасау жұмыстарына барлығы 32 000 қапшық, 800 күрек, су өткізбейтін етіктер мен қолғаптарды қоса жіберді.

Бұдан бөлек, ҚБМ жас мамандары Ақтауда ашылған эвакуациялық пункке жеткізілген атыраулық тұрғындарға жәрдемдесіп, азық-түлік, көрпе-төсек, киім-кешек пен гигиеналық заттарды үлестіруге атсалысып жүр.

Атырау облыстық штабы ЕМГ-ге бұған дейін бөлген жер аумағына (3,6 шақырым) қосымша учаскеге бөгет салу жүктелді. Жалпы алғанда, ембіліктер өзен жағалауына 5 шақырым ұзындыққа бөгет салу жұмыстарын қарқынды жүргізіп жатыр.

Еще больше новостей на нашем telegram-канале , подписывайся и будь в курсе!

К списку статей Следующая статья